Bingöl Üniversitesi Yaşayan Diller Enstitüsü Dergisi

Abstract

Nesîhetname cureyeke edebî ye di edebiyata klasîk de. Ev cure ciyekî xwe yê girîng heye di nava edebiyata miletên misilman de. Nesîhetname him pexşankî him jî helbestkî hatine nivîsîn. Lêbelê di edebiyata klasîk de bêtir helbestkî bi pêşketiye. Di helbesta kurdî ya klasîk de jî gelek mînakên nesîhetnameyê hene lê ev bêtir di nava dîwan û dîwançeyan de tomarkirî ne. Tradîsyona nivîsîna nesîhetnemeyên kurdî bi Baba Tahirê Hemedanî destpê dike û heta roja me jî berdewam e. Di nava kaniya klasîka kurdî de berhemên seranser ji nesîhetan pêkhatî heta vê sedsalê bi qasî ku em dizanin tunene. Guldan yek ji van berhemên pendî ye ku bûye mijara vê lêkolînê. Ji ber ku ev cureya edebî di kurdî de pir kêm e, nirxa berhema Guldanê jî zêdetir dibe.Xebata me ji du beşan pêk tê. Beşa yekem di derbarê dîrokçeya pêvajoya nesîhetnameyan û geşepêdana nesîhetnameyê di edebiyata kurdî ya klasîk de ye. Beşa duyem jî, berhema Mela Husnî Hezîn a bi navê Guldanê di çarçoveya nesîhetnameyan de analîz dike.